香港人移民溫哥華買樓攻略 2025

對於不少香港家庭而言，移民加拿大已經唔再只係夢想，而係一個現實嘅選擇。溫哥華作為加拿大西岸最大嘅城市之一，因為氣候宜人、華人社區成熟、生活配套完善，一直深受香港人歡迎。尤其係近年BNO及工作簽證政策帶動，越來越多香港人考慮 移民溫哥華買樓，但係初來埗到，點樣揀區、點樣做貸款、稅務又點樣處理？今次就為大家整理一份 2025年最新溫哥華置業攻略，希望幫到準備過來置業嘅香港人。

為什麼香港人特別鍾意溫哥華？

• 氣候溫和
  加拿大好多地方冬天漫長又嚴寒，但溫哥華屬於溫帶海洋性氣候，冬天雖然落雨多，但好少跌到零下十幾度。對於習慣香港天氣嘅人，呢度比較容易適應。

• 華人社區成熟
  列治文（Richmond）、本拿比（Burnaby）、溫哥華西區，都有大量香港餐廳、港式茶餐廳、華人超市同埋教會，日常生活基本上完全冇語言障礙，好容易搵到「家嘅感覺」。

• 教育及生活質素高
  香港家庭最關心嘅就係小朋友教育。溫哥華好多公立學校校網好有口碑，而且學費全免。再加埋乾淨空氣、低人口密度同埋安全環境，對家庭嚟講好吸引。

香港人最關注嘅買樓問題

1. 首期及貸款要求

喺加拿大買樓，首期（down payment）一般係 20% 或以上，如果係自住物業而樓價低於100萬加幣，可以選擇 最低5-10% 首期，但要額外支付房貸保險。
大部分香港新移民擔心「冇本地收入或信貸記錄，係咪申請唔到貸款？」其實好多銀行已經針對 新移民計劃（New to Canada Program），只要你有穩定海外收入或資產證明，仍然有機會借到。

2. 稅項問題

香港人買樓最擔心就係稅務負擔。以下幾個要特別留意：

• Property Transfer Tax（地產轉讓稅）：首次置業自住，滿足一定條件可免稅。

• GST：首次置業買新樓，滿足一定條件可免稅。

• Foreign Buyer Tax（海外買家稅）：加拿大永久居民唔需要交，但如果持有工簽／學簽／未有身份要留意。

• Vacancy Tax（空置稅）：如果單位冇人住一段時間，可能要額外交稅，而且是聯邦、省、市政府都各自有空置稅。

熱門地區推介：香港人應該揀邊區？

1. 列治文（Richmond）

• 特色：港式餐廳林立、超市選擇多、八佰伴、Lansdowne、Richmond Centre，生活極度方便。

• 樓價水平：一房Condo 約60萬起，Townhouse 約100萬以上，House 普遍200萬以上。

• 適合人群：追求港式生活圈嘅家庭、新來港人想快啲融入社區。

2. 溫哥華西區（Vancouver West）

• 特色：校網好（UBC、Magee Secondary）、社區較高檔，生活環境舒適。

• 樓價水平：Condo 約80萬以上，House 多數300萬起。

• 適合人群：重視教育、財務實力較強嘅家庭。

3. 本拿比（Burnaby）

• 特色：交通方便（SkyTrain貫通）、Metrotown 商場、多為水泥高層住宅，生活成本比溫西低。

• 樓價水平：Condo 約65萬起，Townhouse 約100萬以上。

• 適合人群：年輕家庭、打工族。

4. 高貴林（Coquitlam）

• 特色：新發展社區，空間大、性價比高，天車直達市中心。

• 樓價水平：Condo 約55萬起，House 150萬左右。

• 適合人群：想要更大居住空間嘅香港家庭。

自住 vs 投資：應該點樣揀？

自住買樓

• 睇校網、生活便利、交通。

• 多數香港人首選 Richmond / 本拿比。

投資買樓

• 尋找交通便利、升值潛力高嘅社區，例如 Metrotown、Brentwood、Marine Gateway。

• 小型單位出租回報較穩定，容易找到租客。

香港買家常見問題 FAQ

Q1：冇加拿大稅單，點樣申請按揭？
👉 可以用香港收入證明、資產證明，銀行會有新移民貸款計劃。

Q2：買樓要唔要律師？
👉 需要，喺加拿大過戶必須透過律師或Notary Public。

Q3：2025年係咪入市好時機？
👉 目前屬於買家市場，樓價調整，買家議價能力較強，適合長遠自住或投資。

2025年溫哥華樓市展望

雖然減息週期逐漸穩定，但利息未降至期望水平，買家仍然觀望。不過對香港人而言，溫哥華仍然係一個安全穩定嘅投資地點。無論係為咗小朋友教育，定係想移民後有安樂窩，溫哥華置業攻略只要掌握以上幾點，就可以大大減少風險。

結語：香港人移民溫哥華買樓的最佳策略

對香港人嚟講，溫哥華係一個既熟悉又陌生嘅城市。熟悉係因為到處都可以搵到港式茶餐廳同唐人街，陌生係因為買樓流程、貸款制度同香港完全唔同。
想要順利置業，最好事前做好功課，搵專業地產經紀協助，再根據家庭需要選擇合適嘅地區。

2025年正正係香港人入市嘅好時機 —— 因為市場冷靜，選擇多，議價空間大。如果你都打算移民或已經喺溫哥華生活，不妨開始計劃，為自己同家人揀一個安穩嘅新家。

---

✍️ 作者簡介：

Keita Yuen（原家俊）

何欣卓地產團隊市場部經理，專注追蹤大溫地產市場動態。擁有多年地產及數位行銷經驗，曾策劃多場首次置業講座及市場分析影片，致力用最通俗易明的語言，為買家們提供實用置業建議。